BALADA NI JONAS BURGOS,

NALIGAW SA
"
DAANG MATUWID
"


ni E. SAN JUAN, Jr.


Mga Kasama:
Habang papunta sa gawing Hacienda Luisita
Niyaya ni Major Harry Baliaga na magpalamig muna
Sa Ever Gotesco ng mapanuksong waytres
Niyakag upang kwentuhan ng
kung anong
nangyari

Kina Sherley Cadapan at Karen Empeno
at mga saksi

At ang masuyong Binibining Melissa Roxas
Ngunit sabi ko'y nais kong hanapin, taluntunin
Ang matuwid na landas na makatarunga't marapat

Sundin iyon hanggang umabot sa Sabah
at Batanes

Kahit liku-liko at baku-bako, walang kailangan
Sumakay sa bangka at itanong sa bangkero
"Magmula sa laot sagad hanggang pampang

Turan mo sa akin ang hampas ng sagwan?"
Ngunit naligaw po kami sa pulong Tubbataha
Di na nakarating sa safe-house ng Ampatuan--
Pinilit tumawid sa
baluktot na
"
daang
matuwid" 
'
Patungong EDSA at madugong Mendiola
Kung saan 13 multo't sina Olalia-Alay-ay ang nag-aabang
Hayun kumakaway si Heneral Palparan
Mula sa Morong at Mindorong di na mapagtaguan
Lumiko sa mabahong Batasan at SONA ni P'Noy
Sangkatutak na trapong dinastiyang pumapalakpak
Sa palpak na pagkukunwari't walang-hiyang dahas
Sa biktima sa Commonwealth Ave, demolisyo't minahan


Kung sakaling na-miss ninyo ako'y ipagpatawad
Huwag itanong kay Uncle Sam o  sa Abu Sayyaf
Baka hulihin kayo ng mga sirena ni Major Baliaga
Pagkat daang matuwid sadyang
tabingi't balakyot

Di na naabot ang Luisita't napadpad sa Atimonan
At nadukot ang nagbalatkayong mutya ng Makiling
Nagkalat ngayon sa daang matuwid ng Malakanyang
Buto't kalansay ng katarungang desaparecido -- Alay-ay!

Comments

Post a Comment

Popular posts from this blog

JOSE CORAZON DE JESUS--ANG SINING NI HUSENG BATUTE--E. SAN JUAN, Jr.

Image
PAGSUBOK SA ISANG  MAPAGPALAYANG  PAGKILALA'T   PAGTAYA  SA SINING  NI   JOSE CORAZON DE JESUS ni E. SAN JUAN, Jr. Kung kasadlakan man ng pula’t pag-ayop, / tubo ko’y dakila sa puhunang pagod….” --Francisco Baltazar, “Kay Selya” Only through the objectively unfolded richness of man’s essential being is the richness of subjective human sensibility either cultivated or brought into being…. The forming of the five senses is a labor of the entire history of the world down to the present. --Karl Marx, Economic and Philosophic Manuscripts of 1844 Dalawang bagay ang bumigo sa akin nang napakalaki: Ang paglipad ko sa Hongkong at ang paglagpak ko sa pulitika. --Jose Corazon de Jesus, “Talambuhay ng kanyang sarili”     Dahil sa masidhing pagkagumon ng marami sa komersyalisadong aliwan--telenobela, pelikulang tatak-Hollywood, malling, kulto nina Bieber at iba pang dayuhang selebriti sa awitan at isports---pambihira na ang bumabasa o may interes sa panulat ni  Jose Corazon de Jesus (Huseng
Read more

INTRODUKSIYON KAY EFREN ABUEG--E. San Juan, Jr.

Image
ULIRANG HALIMBAWA NI EFREN ABUEG: Tungo sa Mapagpalayang Sining ni E. San Juan, Jr. Kamakailan, bago ipinawalan ang “Morong 43” na biktima ng AFP/PNP terorismo, tinangkang bumisita sa kanila habang nakapiit sa Camp Bagong Diwa, Taguig, ang isang grupo ng makata at pintor. Nais ng Defend-ST, Artists Arresst, at Kilometer 64 na magdaos ng workshop para sa mga bilanggo. Bagamat may pahintulot sa BJMP-Capitol Region, hindi sila pinahintulutan ng jail warden. Ipinagbawalan. Mapanganib ang sining. Di lamang nakapupukaw, nakagagambala pa. Walang lusot ang mga dumaramay. Bukod sa marahas na strip search na bati ng mga guwardiya, kinumpiska ng mga awtoridad ang lahat ng babasahin. Kinunan ng litrato ang mga alagad ng sining, inimbestiga at pinagtatatanong. Itinuring ang mga dalaw na mga kriminal (ulat ni Ronalyn Olea, Bulatlat, 5 Oktubre 2010). Sinamsam ang ilang babasahin kritikal sa rehimeng Arroyo. Sindak at takot ang naghari. Sa malas, hindi ito nakagugulat. Noong bungad ng dekada 80
Read more

USAPING PANGWIKA--diskurso ni E. San Juan, Jr.

Image
INTERBENSIYON SA USAPIN NG PAMBANSANG WIKA  (Panayam sa Ateneo University, March 12, 2008, sa okasyon ng paglulunsad ng librong BALIKBAYANG SINTA: AN E. SAN JUAN READER)  “Ang hindi magmahal sa sariling wika ay……” –JOSE RIZAL by E. San Juan, Jr. 1. Sa kasalukuyang matinding sigalot sa bansa, anumang talakayan hinggil sa wika ay tiyak na magbubunsod sa isang away o maingay na pagtatalo. Kahawig nito ang usapin ng kababaihan.  Laging matinik ang isyu ng pambansang wika, isang sintomas ng pinaglikom na mga sakit ng body politic. Tila ito isang mitsang magpapasabog sa pinakabuod na mga kontradiksiyong bumubuo sa istruktura ng lipunang siyang nakatanghal na larangan ng digmaan ng mga uri at iba’t ibang sektor.  2. Lalong masahol siguro kung sabihin kong nasa panig ako ng mga nagsususog sa isang pambansang wikang tinaguriang “Filipino.”  Tiyak na tututol ang mga Sebuano, Ilokano, Ilonggo, mga alagad ng Taglish, o Ingles, o Filipino-Ingles.  Ngunit hindi ito maiiwasan,
Read more