PAGBUBULAY-BULAY  NG ISANG GURONG OFW SA BANSANG HAPON

ni E. San Juan, Jr.

Ilan taon na akong nagtuturo ng wikang Filipino dito sa Hapon
    ngunit di ko pa kabisado ang pagyuko sa mga upisyal
           o hiwaga ng kanji  hiragana o katakana
Nais kong matuto ang mga Haponesa ng paggamit ng "kamusta" "paalam"
     "maganda"     "pag-ibig"  "luwalhati"   "panaginip" 
        kaya tinuruan ko rin sila ng tinikling   itik-itik   singkil

Subalit nahumaling sa pagsayaw, indayog ng kilos at wagayway ng panyo
           ngiti rito't tawa doon, nasaan ang tunggalian ng uri?                                   nahan ang dahas ng pasismo't imperyalismo?
Masarap magkuwento ng Boracay kaysa Payatas, Balagtas kaysa Jonas Burgos,
    anong sarap ipaliwanag ang halina ng pandiwa't pang-uri
        kaysa dahas ng Estado.

Mula sa magulong Osaka, di ko pa nasisilip ang yelo sa tuktok ng Mt. Fuji....
Samantala, may ilang estudyanteng nais mag-turista't makitang lahat....

Nagkaroon na ng People Power 1, People Power 2, at may bantang sumiklab muli       sakaling pauwiin na lahat ng OFW mula sa Saudi   Hong Kong   Europa....
Ilang kababayan ang nag-asawa na ng Hapon at Saudi para sigurado....

Ngunit teka--mausok at nakababagot, di na matiis ang trapik sa EDSA,
    nakawala pa rin si Palparan,  tumitindi ang pagpatay at pagdukot,
        gumagala pa rin ang mga  bandidong Abu Sayyaf
kaya payo ko sa kanila, dito na lang kayo sa mariwasang kabibi--bakit pa ipapain ang     katawan upang mapahamak sa "Perlas ng Silangan"?

Dito na lang kayo sa masaganang lupa ng cherry blossoms  yen arigato      
    alindog ng geishang nagsasayaw sa lilim ng mga templo ng Buda
             sa Hiroshima at Nagasaki
        malayo sa tsunami  sa Spratley at     dagat Sulu ng Mindanao--
Dito na lang kayo mag-aral ng wika nina Bonifacio at Sakay upang magamit ang mga     salitang "kalayaan"   "kaluluwa"  "budhi"  "puri"  "dangal" 
        putris, pati na "Makibaka huwag matakot!"
             "Hustisya para sa mga biktima sa Hacienda Luisita!"

Oo nga, bakit kailangang pigilin ang dila't isip bago pa man dumating ang pulis at          

                  sundalong  dudukot at papatay?

Baka sakaling matuklasan natin ang niyebe ng Mt Fuji sa tugatog ng sumasabog na    

                 bulkang Mayon.--###

Comments

Post a Comment

Popular posts from this blog

JOSE CORAZON DE JESUS--ANG SINING NI HUSENG BATUTE--E. SAN JUAN, Jr.

Image
PAGSUBOK SA ISANG  MAPAGPALAYANG  PAGKILALA'T   PAGTAYA  SA SINING  NI   JOSE CORAZON DE JESUS ni E. SAN JUAN, Jr. Kung kasadlakan man ng pula’t pag-ayop, / tubo ko’y dakila sa puhunang pagod….” --Francisco Baltazar, “Kay Selya” Only through the objectively unfolded richness of man’s essential being is the richness of subjective human sensibility either cultivated or brought into being…. The forming of the five senses is a labor of the entire history of the world down to the present. --Karl Marx, Economic and Philosophic Manuscripts of 1844 Dalawang bagay ang bumigo sa akin nang napakalaki: Ang paglipad ko sa Hongkong at ang paglagpak ko sa pulitika. --Jose Corazon de Jesus, “Talambuhay ng kanyang sarili”     Dahil sa masidhing pagkagumon ng marami sa komersyalisadong aliwan--telenobela, pelikulang tatak-Hollywood, malling, kulto nina Bieber at iba pang dayuhang selebriti sa awitan at isports---pambihira na ang bumabasa o may interes sa panulat ni  Jose Corazon de Jesus (Huseng
Read more

INTRODUKSIYON KAY EFREN ABUEG--E. San Juan, Jr.

Image
ULIRANG HALIMBAWA NI EFREN ABUEG: Tungo sa Mapagpalayang Sining ni E. San Juan, Jr. Kamakailan, bago ipinawalan ang “Morong 43” na biktima ng AFP/PNP terorismo, tinangkang bumisita sa kanila habang nakapiit sa Camp Bagong Diwa, Taguig, ang isang grupo ng makata at pintor. Nais ng Defend-ST, Artists Arresst, at Kilometer 64 na magdaos ng workshop para sa mga bilanggo. Bagamat may pahintulot sa BJMP-Capitol Region, hindi sila pinahintulutan ng jail warden. Ipinagbawalan. Mapanganib ang sining. Di lamang nakapupukaw, nakagagambala pa. Walang lusot ang mga dumaramay. Bukod sa marahas na strip search na bati ng mga guwardiya, kinumpiska ng mga awtoridad ang lahat ng babasahin. Kinunan ng litrato ang mga alagad ng sining, inimbestiga at pinagtatatanong. Itinuring ang mga dalaw na mga kriminal (ulat ni Ronalyn Olea, Bulatlat, 5 Oktubre 2010). Sinamsam ang ilang babasahin kritikal sa rehimeng Arroyo. Sindak at takot ang naghari. Sa malas, hindi ito nakagugulat. Noong bungad ng dekada 80
Read more

USAPING PANGWIKA--diskurso ni E. San Juan, Jr.

Image
INTERBENSIYON SA USAPIN NG PAMBANSANG WIKA  (Panayam sa Ateneo University, March 12, 2008, sa okasyon ng paglulunsad ng librong BALIKBAYANG SINTA: AN E. SAN JUAN READER)  “Ang hindi magmahal sa sariling wika ay……” –JOSE RIZAL by E. San Juan, Jr. 1. Sa kasalukuyang matinding sigalot sa bansa, anumang talakayan hinggil sa wika ay tiyak na magbubunsod sa isang away o maingay na pagtatalo. Kahawig nito ang usapin ng kababaihan.  Laging matinik ang isyu ng pambansang wika, isang sintomas ng pinaglikom na mga sakit ng body politic. Tila ito isang mitsang magpapasabog sa pinakabuod na mga kontradiksiyong bumubuo sa istruktura ng lipunang siyang nakatanghal na larangan ng digmaan ng mga uri at iba’t ibang sektor.  2. Lalong masahol siguro kung sabihin kong nasa panig ako ng mga nagsususog sa isang pambansang wikang tinaguriang “Filipino.”  Tiyak na tututol ang mga Sebuano, Ilokano, Ilonggo, mga alagad ng Taglish, o Ingles, o Filipino-Ingles.  Ngunit hindi ito maiiwasan,
Read more