BERTOLT BRECHT: Salin at Halaw ng 2 tula





HAMON SA MGA HENERAL NG AFP

(Halaw mula kay Bertolt Brecht)

Heneral, ang inyong mga baril at tangke ay makapangyarihang gamit
Winawasak ang gubat at dinudurog ang isandaang tao
Tinortyur pati mga mediko at narses sa Morong, Rizal,kamakailan….
Ngunit ang mga ito’y may kakunlangan:
Kailangan nito ang mga taong gumagamit at nagpapaandar nito….

Heneral, ang inyong eruplanong pamboba, pati mga drones ng Amerika, ay nakapangingilabot….
Lumilipad ng mas matulin sa bagyo at nailululan ang bombang mahigit pa sa bigat ng elepante,
Ngunit ito’y may isang kahinaan:
Kailangan nito ang mekaniko.

Heneral at mga upisyal ng pulis, bale wala ang tao.
Makalilipad siya at makapapatay.
Ngunit may isa siyang depekto:
Maaari siyang mag-isip.




PAPURI SA DIYALEKTIKA


ni Bertolt Brecht





Sa kasalukuyan, mapagmalaking nagpaparada ang Inhustisya.

Ipinaghahandaan nila ang ilanlibong taon ng kanilang pang-aapi.


Dahas ay naggigiit: Kung anong lagay ngayon, mananatili 'yan.
Walang tinig ang nangingibabaw kundi ang sa mga namumuno
At sa mga palengke nagpoproklama ang Pang-aalipin:
"Nagsisimula pa lang ako ngayon."

Habang sa mga inaalipin, maraming nagsasabing:
Ang ninanais natin kailanma'y di maaari.

Habang ikaw ay buhay, huwag kailanman magwikang "Hindi maaari."
Ang bagay na mukhang tiyak na ay hindi pa tiyak.
At hindi mamamalaging ganyan ang situwasyon.

Kapag natapos mag-utos ang mga naghaharing-uri
Ang pinaghaharian nila ang siya namang sasagot.
Sinong mangangahas sumagot: "Kailanma'y hindi maaari" ?
Sinong dapat sisihin kapag umiiral ang pang-aapi? Tayo.
Sinong mananagot sa pagwasak nito? Tayo rin.

Yaong nalugami sa pagkaduhagi, bumangon at tumindig.

Sinumang natalo, lumaban muli!
Ang nagkamalay na sa kanyang situwasyon, sinong makapipigil
sa kanila?

Ang mga biktima ng kasalukuyan ay siyang magtatagumpay
sa kinabukasan

At ang "kailanma'y hindi" ay mababago sa "Oo, ngayon din!"





[Isinapilipino ni E. San Juan, Jr.]

Comments

Post a Comment

Popular posts from this blog

JOSE CORAZON DE JESUS--ANG SINING NI HUSENG BATUTE--E. SAN JUAN, Jr.

Image
PAGSUBOK SA ISANG  MAPAGPALAYANG  PAGKILALA'T   PAGTAYA  SA SINING  NI   JOSE CORAZON DE JESUS ni E. SAN JUAN, Jr. Kung kasadlakan man ng pula’t pag-ayop, / tubo ko’y dakila sa puhunang pagod….” --Francisco Baltazar, “Kay Selya” Only through the objectively unfolded richness of man’s essential being is the richness of subjective human sensibility either cultivated or brought into being…. The forming of the five senses is a labor of the entire history of the world down to the present. --Karl Marx, Economic and Philosophic Manuscripts of 1844 Dalawang bagay ang bumigo sa akin nang napakalaki: Ang paglipad ko sa Hongkong at ang paglagpak ko sa pulitika. --Jose Corazon de Jesus, “Talambuhay ng kanyang sarili”     Dahil sa masidhing pagkagumon ng marami sa komersyalisadong aliwan--telenobela, pelikulang tatak-Hollywood, malling, kulto nina Bieber at iba pang dayuhang selebriti sa awitan at isports---pambihira na ang bumabasa o may interes sa panulat ni  Jose Corazon de Jesus (Huseng
Read more

INTRODUKSIYON KAY EFREN ABUEG--E. San Juan, Jr.

Image
ULIRANG HALIMBAWA NI EFREN ABUEG: Tungo sa Mapagpalayang Sining ni E. San Juan, Jr. Kamakailan, bago ipinawalan ang “Morong 43” na biktima ng AFP/PNP terorismo, tinangkang bumisita sa kanila habang nakapiit sa Camp Bagong Diwa, Taguig, ang isang grupo ng makata at pintor. Nais ng Defend-ST, Artists Arresst, at Kilometer 64 na magdaos ng workshop para sa mga bilanggo. Bagamat may pahintulot sa BJMP-Capitol Region, hindi sila pinahintulutan ng jail warden. Ipinagbawalan. Mapanganib ang sining. Di lamang nakapupukaw, nakagagambala pa. Walang lusot ang mga dumaramay. Bukod sa marahas na strip search na bati ng mga guwardiya, kinumpiska ng mga awtoridad ang lahat ng babasahin. Kinunan ng litrato ang mga alagad ng sining, inimbestiga at pinagtatatanong. Itinuring ang mga dalaw na mga kriminal (ulat ni Ronalyn Olea, Bulatlat, 5 Oktubre 2010). Sinamsam ang ilang babasahin kritikal sa rehimeng Arroyo. Sindak at takot ang naghari. Sa malas, hindi ito nakagugulat. Noong bungad ng dekada 80
Read more

USAPING PANGWIKA--diskurso ni E. San Juan, Jr.

Image
INTERBENSIYON SA USAPIN NG PAMBANSANG WIKA  (Panayam sa Ateneo University, March 12, 2008, sa okasyon ng paglulunsad ng librong BALIKBAYANG SINTA: AN E. SAN JUAN READER)  “Ang hindi magmahal sa sariling wika ay……” –JOSE RIZAL by E. San Juan, Jr. 1. Sa kasalukuyang matinding sigalot sa bansa, anumang talakayan hinggil sa wika ay tiyak na magbubunsod sa isang away o maingay na pagtatalo. Kahawig nito ang usapin ng kababaihan.  Laging matinik ang isyu ng pambansang wika, isang sintomas ng pinaglikom na mga sakit ng body politic. Tila ito isang mitsang magpapasabog sa pinakabuod na mga kontradiksiyong bumubuo sa istruktura ng lipunang siyang nakatanghal na larangan ng digmaan ng mga uri at iba’t ibang sektor.  2. Lalong masahol siguro kung sabihin kong nasa panig ako ng mga nagsususog sa isang pambansang wikang tinaguriang “Filipino.”  Tiyak na tututol ang mga Sebuano, Ilokano, Ilonggo, mga alagad ng Taglish, o Ingles, o Filipino-Ingles.  Ngunit hindi ito maiiwasan,
Read more